Қазақстандықтарға тағы да 50 мың теңге жәрдемақы берілетіні рас па?

Әлеуметтік желілерде қазақстандықтарға тағы да 50 мың теңге әлеуметтік жәрдемақы ұсынатын парақшалар пайда болды. Өтініш берушіден қызмет үшін банктік шотқа 3120 теңге аудару сұралады.

Бұл туралы Orda.kz Stopfake.kz сайтына сілтеме жасап хабарлады.

Басылым мұндай қолдан жасалған суреттер жиі кездесетінін және олардың бір-бірінен аздап ерекшеленетінін еске салды.

Әр рет қолданушыларға 50 мың теңге көлемінде «100 пайыз кепілдік» әлеуметтік жәрдемақы төленеді. Сілтеме Telegram-ботқа апарады, онда өтініш берушіден банктегі карточкалық шотқа 3120 теңге аудару сұралады. Бұл қызмет үшін төлем деп есептеледі.

Еңбек және халықты әлеуметтік қорғау министрлігі төлемдер туралы ақпаратты жоққа шығарды.

– Лездік мессенджерлер мен әлеуметтік желілерде таратылатын 50 мың теңге көлемінде әлеуметтік көмек тағайындау бойынша қызметтер үшін 3120 теңге көлемінде төлем жасау қажеттілігі туралы ақпарат шындыққа сәйкес келмейді. ҚР Еңбек және халықты әлеуметтік қорғау министрлігі Қазақстанда жеңілдіктер мен әлеуметтік төлемдер жоқ екенін хабарлайды, - делінген министрліктің ресми хабарламасында.