Қазақстанды шетелдік компаниялар жаулап жатыр

Үш айдың ішінде елімізде шетелдік капиталдың қатысуымен 2798 кәсіпорын тіркелсе, өткен жыл ішінде 3800-ге жуық кәсіпорын тіркелген.

Мамыр айында Қазақстанда шетелдік меншіктегі 906 компания тіркелген. Оның 447-сі Алматыда, тағы 225-і Нұр-Сұлтанда тіркелген, деп хабарлайды Ұлттық статистика бюросы.

Соңғы үш айда қазақстандық юрисдикцияға сұраныстың арта түскені  байқалды. Көктемде республикада шетелдік капиталдың қатысуымен 2798 кәсіпорын тіркелсе, 2021 жылы олардың саны 3800-ге жуықтады.

Ұлттық статистика бюросының мәліметінше, бүгінде Қазақстандағы әрбір бесінші жаңа кәсіпорынды шетелдіктер тіркеген. Олардың үлесі мамырда 20,4 пайызды құрады.

Ал сәуір айында шетелдіктер Қазақстандағы әрбір төртінші кәсіпорынды тіркеді.

2020 жылы орта есеппен айына 314 осындай факті болса, 2021 жылы 316, яғни бұл көрсеткіш тұрақты болды.

«Бір ғана 2022 жылдың наурыз айында Қазақстанда 754 шетелдік компания тіркелді. Сәуірде бұл көрсеткіш тағы бір жарым есеге өсіп, 1138-ге жетті. Яғни, екі айда Қазақстанға қаншама  шетелдік компания келді. Әдетте бұл алты айда болатын көрсеткіш. Бұл бірлескен кәсіпорындарды есептемегенде. Сәуір айының соңында барлық тіркелген компаниялардың 22,9% шетелдік меншік нысанына ие болды. Бұл ретте 2020-2021 жылдардағы қалыпты деңгей 9% болды» деп хабарлады Ұлттық статистика бюросы.