Қазақстандық шенеуніктердің табысы мен шығыны бақылауға алынады

Бүгін мәжіліс отырысында шенеуніктердің табысы мен шығынының айырмашылықтарын бақылауға алу туралы заң жобасы қаралды. Егер айырмашылық байқалса, оларға санкция салынады. Жоба жемқорлықтың алдын кесуге бағытталған.

Мәселен, мемлекеттік қызметкер мен оның жұбайының шығыны табысынан көп болса, оларға мансаптық санкция жарияланады.

«Санкция айырмашылық мөлшері көп болған жағдайда салынады. Шығын мен табыс айырмашылығы 1 000 айлық есептік көрсеткіштен (3 миллион теңге) асса, мемлекеттік қызметкерге айырмашылықтың 90%-на тең болатын айыппұл салынады. Дегенмен барлық жағдайда шығынның заңды екенін түсіндіруге мүмкіндік беріледі. Ал шығын мен кіріс арасындағы табыс мемлекеттік қызметкердің жылдық табысынан асып кетсе, ол қызметінен босатылады» деді ҚР Сыбайлас жемқорлыққа қарсы іс-қимыл агенттігінің төрағасы Марат Ахметжанов. 

Оның айтуынша, заң жобасы қабылданғаннан кейін ортақ табысты тіркеу жеңілдейді.

Айта кетсек, 2021 жылы мағлұмдаудың бірінші кезеңінде мемлекеттік қызметкерлер активтері туралы ақпаратты ұсынуы керек болған.

2025 жылы барлық азаматтар өзінің табысы туралы есеп береді.

Жоғарыда аталған заң жобасы 2027 жылы қабылдануы тиіс.