Қазақстандық сәбиге әлемдегі ең қымбат дәрі салынды

3 сәуір күні қазақстандық сәбиге әлемдегі ең қымбат дәрі егілді. Қыздың ата-анасы Instagram парақшасында қуанышты жаңалықпен бөлісті.

- Бүгінгі күн тарихта қалады. Біз бақыттымыз. Қызымызды Қазақстан халқы құтқарды. Шын жүректен алғысымызды білдіреміз, - деді Қанат Құспанов.

Қымбат дәрі-дәрмекті «Қазақстан халқына» қоры төлеп, сатып алды. Фатиманың ата-анасы алты ай бойы қызын емдеуге ақша жинаған. Дәрігерлер балаға жұлын бұлшықетінің атрофиясы диагнозын қойды.

Айта кетейік, «Қазақстан халқына» қоры жұлын бұлшық етінің атрофиясымен ауыратын төрт бала үшін Қазақстанда тіркелмеген, қымбат тұратын Zolgensm препаратын сатып алу туралы шешім қабылдады. Шығындардың жалпы сомасы 9,7 миллиард теңгені құрайды. Фатима БҚО бойынша әлемдегі ең қымбат инъекцияға ие болған екінші бала.