Қазақстандық паралимпиадашының жүлде қоры өсті

Александр Герлиц Бейжіңдегі Паралимпиадада өз өнерін аяқтап, құрметті бесінші орынға ие болды.

Қазақстандық паралимпиадашы Александр Герлиц 12 наурызда Бейжіңде 2022 жылы өтетін Қысқы Паралимпиада ойындарында жекелей сында өнер көрсетті. Шаңғы жарысында 12 шақырым қашықтықта үздік 5 спортшының қатарына кіріп, жүлде қорын көбейтті.

Бұған дейін Александр Герлиц биатлоннан Паралимпиада ойындарында қола жүлдеге қол жеткізген болатын. 12 наурызда шаңғы жарысында ол құрметті бесінші орынды иеленді. Қазақстандық жарыс кезінде  қытайлық Ван Шеняннан екі минуттай ұтылып қалды.

Екінші болып франциялық Бенджамин Дэвиер тұрса, үздік үштікті Қытай спортшысы Кай Чжиюн тұйықтады. Айта кетейік, Александр турнирдің фавориттерінің бірі – Паралимпиада ойындарында биатлоннан алтын медаль алған канадалық Марк Арендцті басып озды.

Айтпақшы, тағы бір бесінші орын қазақстандық ойыншыға жүлде қорын тағы 10 мың долларға көбейтуге мүмкіндік берді. Қола және үздік бестіктегі екі орын (биатлон және шаңғы жарысы бойынша) үшін ол шамамен 100 мың доллар (50 миллион теңгеден сәл астам) алады.

Еске салайық, Бейжіңде 2022 жылғы Қысқы Паралимпиада ойындары аяқталуға жақын. Ойындардың жабылу салтанаты 13 наурызда өтеді.