Қазақстандық паралимпиадашы қола жүлдегер атанды

Александр Герлиц биатлоннан 10 шақырымдық жарыста қола жүлдені жеңіп алды.

Бейжіңде 2022 жылғы Қысқы Паралимпиада ойындарында орта қашықтықта (10 шақырым) ерлер арасында биатлоннан жарыс өтті. Бұл жарыстардағы Қазақстанның жалғыз өкілі Александр Герлиц қола жүлдегер атанды.

Sports.kz хабарлағандай, Александр жарысты үш пенальтимен аяқтап, көшбасшыдан 1:25.6 уақытқа ғана артта қалды. Бірінші орынды канадалық Марк Арендз, күміс жүлдені украиналық Григорий Вовчинский иеленді.

Қазақстан үшін бұл медаль қазіргі Паралимпиада ойындарындағы алғашқы медаль болды. Бұған дейінгі қысқы Олимпиада ойындарында Қазақстан жүлдесіз қалған болатын.