Қазақстандық оқушы Қырғызстан тауында көз жұмды

Он екі жасар бала Қаракөлдегі шаңғы базасында қайтыс болды, деп хабарлайды ORDA. Sputnik Қырғызстанға сілтеме жасап.

Бүгін, 12 қаңтарда сағат 15:00 шамасында полицияға «жасөспірім таудан түсіп бара жатып шыршаны қағып, сол жерде қайтыс болды» деген хабарлама келіп түсті. Бұл туралы Ыстықкөл облысы полиция бөлімінің бастығы Ұлан Асанбаев хабарлады.

Қазіргі уақытта тәртіп сақшылары қайғылы оқиғаның барлық мән-жайын анықтап жатыр. Сот- медициналық сараптама жүргізу үшін марқұмның денесі базадан Ыстықкөл облыстық ауруханасына жеткізіледі.