Қазақстандық оқушы Грузияда өткен халықаралық байқаудың финалына шықты

Үшінші сынып оқушысы Әміржан Абылай байқаудың финалына қатысып, Моцарт концертін көрсетті.

Бұл туралы Orda.kz хабарлады.

1-7 тамыз аралығында Грузияның Боржоми қаласында «Әлемдік гармония» IV халықаралық байқауы өтті. Оған Байсейітова атындағы республикалық мамандандырылған орта музыкалық мектеп-интернатының үшінші сынып оқушысы Әміржан Абылай қатысты.

Жарыс үш кезең бойынша өтті. Қазақ баласы бес туындыны орындап, финалға шықты, ол Моцарттың оркестрмен бірге үшінші нөмірлі концертін орындады.

Жалпы Абылай төрт халықаралық жарысқа қатысты. Ол осы байқауда бірінші дәрежелі диплом мен қазылар алқасының арнайы сыйлығын алды.