Мектептердегі «Өзін-өзі тану» пәні қысқартылады

Қазақстан мектептеріндегі «Өзін-өзі тану» пәнін оқытуды бір жылға дейін қысқарту жоспарлануда, деп хабарлады ҚР Білім және ғылым министрлігінің баспасөз қызметі.

«БҒМ бұл пәнді алып тастау туралы ұсыныстар алды. Қазіргі таңда ҚР Білім және ғылым министрлігінің Ұлттық білім академиясы мектепте оқуға міндетті осы пәнді келесі оқу жылынан бастап элективті пәндер санатына көшіру жобасын ұсынды. Қыркүйектен бастап «Өзін-өзі тану» бұрынғыдай 1-11-сыныптар арасында емес, тек бір сыныпта ғана мектеп оқушыларының таңдау пәніне айналдыру жоспарлануда» деп хабарлады БҒМ.

Министрлік «пәнді факультативтік пәндер тізбесіне көшіру бойынша бұл жұмыс оқу бағдарламаларын жаңарту және мектеп оқушыларының оқу жүктемесін азайту шаралары аясында жүргізілетінін» қосты.

«Өзін-өзі тану» пәні «адамгершілік-рухани құндылықтарды жаңғырту жобасы» ретінде қамтылған. Жоба авторы – Қазақстанның тұңғыш президенті Нұрсұлтан Назарбаевтың жұбайы Сара Назарбаева.