Қазақстандық мектептерде жаңа лауазым пайда болды

Қазақстан мектептерінде көмекші мұғалім қызметі пайда болды.

Бұл туралы Orda.kz хабарлайды.

Еліміздің барлық аймақтарында 700-ге жуық көмекші-педагог жұмыс істей бастады. Мұндай мамандар инклюзивті білім беруде сұранысқа ие, мұнда ерекше білім беру қажеттіліктері бар балаларға көбірек назар аудару қажет. Олар дамуында ауытқуы бар оқушылардың мектепке үйренуіне көмектеседі.

– Бұл мұғалімнің өзін алмастырмайды. Көмекші мұғалімдерге ерекше міндет жүктелген – балаларға бағыт-бағдар беру, олардың оқу үрдісіне бейімделуіне көмектесу, - дейді ҚР БҒМ Мектепке дейінгі және орта білім комитетінің төрайымы Гүлмира Кәрімова.

Сонымен қатар, көмекші мұғалім ерекше білім беру қажеттіліктері бар балаларға арналған жеке білім беру бағдарламаларын әзірлеуге қатысады.

– Қажет болса, оқу бағдарламалары оқушылардың қажеттіліктеріне сәйкес бейімделеді. Мұндай мұғалімдер материалды игеруге көмектесіп қана қоймайды, сонымен қатар оқушының даму динамикасын бақылайды және ерекше білім беру қажеттілігі бар балалардың қауіпсіздігі мен денсаулығына қажетті шарттардың сақталуын қадағалайды, - деп хабарлады ҚР Білім және ғылым министрлігінің баспасөз қызметі.