Қазақстандық меценат кәсібін Кәрім Мәсімов тартып алғанын айтты

Қазақстандық бизнесмен, меценат Марғұлан Сейсембай қырғыз телеарнасына сұхбат беріп, өзіне тиесілі кәсібін Кәрім Мәсімовтің тартып алғанын айтты.

Максим Полетаев жүргізетін «Вечер трудового дня» бағдарламасында үш түрлі қонақтың қатысуымен сұхбат өтті. Қоғам қайраткері Марғұлан Сейсембай онлайн сұхбатта Ұлттық қауіпсіздік комитетінің бұрынғы төрағасы Кәрім Мәсімовке қатысты пікір білдірді. Оның айтуынша, ҰҚК-ның бұрынғы басшысы өзіне тиесілі банкті тартып алған.

– Жақында қамауға алынған Кәрім Мәсімов маған тиесілі банкті тартып алған болатын. Бұған дейін осы жайтқа қатысы бар адамның аты-жөнін айтпаған едім. Қазір ұсталды, сол үшін зиян тигізгендердің есімін ашық айтып отырмын, - деді Марғұлан Сейсембай.