Қазақстандық келіншек АҚШ-тың қаржы министрлігінде жұмыс істеуі мүмкін

Қазақстанның тумасы Сәуле Омарованың кандидатурасын Ақ үй АҚШ Қаржы министрлігі жанындағы Валюта бақылаушылар кеңсесінің басшысы лауазымына қарастырып жатыр.

Бұл туралы Orda.kz New York Times-қа сілтеме жасап хабарлады.

Джо Байденнің әкімшілігі демократиялық партияның ішінде күрес басталғандықтан, банктің бас реттеушісі лауазымына жаңа кандидатты қарастыруда.

Бұл орынға қазақстандық Сәуле Омарованың сайлану ықтималдығы жоғары.

2020 жылдың мамырында Омарова MSNBC телеарнасында қаржы индустриясы құрылымының негізгі мәселесі туралы айтты. Ол қалыпты бизнес барысында банктер мен инвесторлар барлық маңызды шешімдерді өздері қабылдайды, тек бірдеңе дұрыс болмай қалса ғана жұртшылықпен кеңеседі дейді.

- Біз кенеттен көше тазалаушы болдық. Алдын ала шешім қабылданған кезде бізге үстелге отыруға ешқашан рұқсат етілмейді, - деді Омарова.

Сәуле Омарова - Корнелл университетіндегі заң мектебінің банктік құқық профессоры. Ол президент Джордж Буштың қазынашылық департаментінде реттеу саясаты бойынша арнайы кеңесші болып жұмыс істеді, оған дейін бес жыл Davis Polk & Wardwell компаниясында жұмыс істеді.

Бұл этникалық қазақтардың АҚШ-та жоғары басшылық қызметтерді иеленуі бойынша бірінші жағдай емес. Бұған дейін бұқаралық ақпарат құралдары АҚШ президенті хаттамасы бастығының орынбасары болып жұмыс істейтін Қазақстанның тағы бір тумасы Әсел Төленова туралы жазған.