Қазақстандық файтер Дамир Исмағұлов UFC турнирінде тағы да жеңіске жетті

Қазақстандық файтер Дамир Исмағұлов UFC турнирінде қатарынан бесінші жекпе-жегінде жеңіске жетті.

Исмағұлов Остин қаласында (АҚШ, Техас штаты) UFC on ESPN 37 турнирінде өнер көрсетіп, грузин Гурам Кутателадземен жұдырықтасты деп хабарлайды Sports.kz. Олардың жеңіл салмақтағы жекпе-жегі үш раундқа есептелген. Жекпе-жек төрешілердің бірауызды шешімімен Исмағұловтың жеңісімен аяқталды.

Осылайша Дамир Исмағұлов кәсіпқой мансабындағы 24-ші жеңісіне қол жеткізсе, Гурам Кутателадзе үшінші рет жеңіліске ұшырады.

Исмағұлов үшін бұл жеңіс UFC-дегі бесінші жеңісі екенін еске саламыз. Ол бұған дейін  де ең ірі промоушендегі бес жекпе-жектің бәрін де жеңіспен аяқтаған болатын.