Қазақстандық делегация Талибан басшыларымен кездесті

Қазақстандық делегация Ауғанстан астанасы Кабулға жұмыс сапарымен барды.

Бұл туралы Orda.kz Ақордаға сілтеме жасап хабарлады.

Кеше қазақстандық делегацияның басшысы Ержан Қазыхан Ауғанстанның қазіргі әкімшілігінің өкілдері Абдул Ғани Барадар мен Әмір Хан Муттакимен кездесу өткізгені белгілі болды.

- Қазақстандық делегация басшысы президент Қасым-Жомарт Тоқаевтың өкімімен Ауғанстанға бес мың тонна ұн түріндегі гуманитарлық көмек жеткізілгенін атап өтті. Ол сондай-ақ Қазақстаннан QazVac отандық вакцинасын беру туралы ұсынысты жеткізді.

Ауған жағы көрсетілген көмек үшін ризашылығын білдірді.

Кездесу барысында сауда-экономикалық байланыстарды қалпына келтіру және ауған студенттеріне арналған Қазақстандағы білім беру бағдарламаларын жалғастыру мәселелері талқыланды.

Кейінірек Кабулда Ержан Қазыхан БҰҰ-ның Ауғанстандағы көмек миссиясының басшысы Дебора Лионспен Ауғанстандағы гуманитарлық және азық-түлік дағдарысын еңсеру мәселелерін талқылады.

Айта кетсек, Ақорда сайтындағы ресми хабарламада қазақстандық делегацияның Қазақстанда және басқа да бірқатар елдерде тыйым салынған «Талибан * террористік қозғалысының өкілдерімен кездесу өткізгені туралы айтылмаған.

Еске салсақ, Тоқаев қыркүйек айының ортасында ауған босқындарына қатысты Қазақстанның ұстанымымен бөліскен.

Бұған дейін Ауғанстанның жаңа билігімен көрші Қырғызстан мен Өзбекстан елдері кездесу өткізген.

* «Талибан» - Қазақстанда және басқа да бірқатар елдерде тыйым салынған террористік қозғалыс.