Қазақстанды цифрландыруға Ресейден басқа Қытай да қызығушылық танытты

ҚР Цифрлық даму, инновациялар және аэроғарыш өнеркәсібі министрі Бағдат Мусин ресейлік Сбербанктен басқа, қытайлық серіктестер мемлекеттік цифрландыру платформасын жасауға өз технологияларын ұсынғанын айтты.

Бұл туралы Orda.kz хабарлады.

Министр Сбербанкпен жасалған меморандум Қазақстанды ештеңеге міндеттемейтінін баса айтты. Мусин ынтымақтастық мәселесі саяси емес, технологиялық екенін, егер келісім жасалса, бөлек компаниямен жұмыс жүргізілетінін атап өтті. Қазақстанның басты шарты - отандық платформаның ақпараттық қауіпсіздігін толық қамтамасыз ететін ашық кодтарды беру.

– 30 жыл бойы ешкім технологияны кімнен аламыз деген сұрақ қойған жоқ. Заң бойынша біз платформаға толық талдау, техникалық талдау жүргізуіміз керек. Түрлі компаниялармен келіссөздер жүргіздік, біздің басты шартымыз – ашық кодтар. Бұл шарттар бойынша бізге Қытай да өз қызметін ұсынды. Олардың бізге шарттары бар, әзірге келіссөздер жүргізілмеді, - деді Мусин.

Бағдат Мусин әу дегенде ашық кодтар болмаса, онда Сбербанкпен де келісім болмайтынын баса айтты.

Қазір жаңа платформаның әзірлеушілері қажетті технологиялар мен міндеттер зерттеліп жатқанын айтты.

Бұған дейін Бағдат Мусин жаңа платформаны әзірлеумен тек Қазақстан азаматтары айналысатынын хабарлаған. Бұл норма барлық құжаттарда бекітілетін болады.

Еске салсақ, 2021 жылдың қыркүйегінде премьер-министр Асқар Мамин мен Сбербанк басшысы Герман Греф меморандумға қол қойды. Цифрлық архитектуралық платформа моделі халыққа мемлекеттік қызметтерді көрсетудің жылдамдығы мен тиімділігін арттырады.