Қазақстандық боксшы АҚШ-тағы алғашқы жекпе-жегінде жеңіске жетті

Қазақстандық орта салмақтағы боксшы Темірлан Райымқұлов (2-1-2) алғашқы кәсіпқой жекпе-жегін АҚШ-та өткізді. Филадельфияда Темірлан америкалық Джедон Эрвинмен (1-0) жұдырықтасты.

Бұл туралы Orda.kz хабарлады.

Райымқұлов америкалық Джедон Эрвинмен (1-0) жекпе-жекке шықты. Төрешілер төрт раундтық кездесуде жеңісті қазақстандық боксшыға берді.

Бұл Райымқұловтың үшінші жеңісі. Ол кәсіпқой жекпе-жекте 3 рет жеңіске жетіп, 1 рет жеңілген.

Айта кетсек, бұл Эрвиннің алғашқы жеңілісі.

– Құдайға шүкір. Мен Промоутерлердің көмегі мен қолдауына рақмет айтамын. Мен өз мақсатыма жету үшін тек алға жүремін, - деп жазды Райымқұлов Instagram парақшасында. 

2019 жылдан бері рингке шықпаған Темірлан шаршы алаңға жеңіспен оралды.