Қазақстандық бизнесмен Қырғызстан президентінің кеңесшісі болды

Қырғызстан Президенті Садыр Жапаров Алмаз Ибрагимовты қоғамдық негізде өзінің кеңесшісі етіп тағайындады.

Бұл туралы Orda.kz мемлекет басшысының баспасөз қызметіне сілтеме жасап хабарлады.

Алмаз Ибрагимов - Қырғыз КСР Ыстықкөл облысының тумасы. 90-жылдары ол Қазақстанға қоныс аударды, металлургия саласында түрлі қызметтер атқарды. 2001 жылы «Қазақстан алюминийі» АҚ президенті, ал 2005 жылы Қазақстан электролиз зауытының бастығы болды.

Алмаз Ибрагимов «Өрмет», «Отан», «Барыс» ордендерімен, «Еңбек Даңқы» төсбелгісімен марапатталды, Қазақстан Минералды ресурстар академиясының құрметті академигі және Павлодар мемлекеттік университетінің құрметті профессоры атағына ие.