Қазақстандық битбоксингтен әлем чемпионатында жеңіске жетті

21 жастағы қазақстандық Эльдар Ғабдуллин Beatbox-2021 онлайн әлем чемпионатында жеңімпаз атанды.

Бұл туралы Orda.kz хабарлады.

Чемпионат 21-22 тамыз аралығында онлайн режимде өтіп, үш кезеңнен тұрды. Жеңімпаз 500 доллар ұтып алды.

Талантты жігіт Оралда тұрады. Ол 6 жыл бойы битбокспен айналысып жүр.

Битбокс - бұл тек ауызды, ерінді, тілді және дауысты қолдана отырып композиция құру әдістерін қамтитын музыка жанры.