Қазақстандық бапкер Ержас Болтаев Өзбекстанға «алтын» алуға көмектесті

Қазақстандық бапкер Ержас Болтаев Токио–2020 ойындарына чемпиондарды жаттықтыруға Өзбекстанға кеткен. Бұрындары ол Илья Ильиннің бапкері болған.

Бұл туралы Orda.kz хабарлады.

Айта кетсек, Өзбекстан Олимпиада ойындарында Қазақстанға қарағанда жақсы өнер көрсетіп жатыр.

Өзбекстанда 3 медаль бар, оның 2 - еуі алтын. Бір алтынды алуға қазақстандық бапкер ат салысқан. Ол Акбар Джураевты жаттықтырған.

Бұрынғы жаттықтырушысының шәкіртін бірінші болып Илья Ильин құттықтаған.

Еске салсақ, Ержас Болтаев Рио–2016 ойындарында Алексей Нимен сөзге келісіп қалған. Бапкер 2016 жылы Александр Зайчиков өнер көрсетер алдында Олимпиадада аккредитациясынан айрылды. Қазіргі таңда Болтаев Өзбекстан құрамасын дайындап жатыр.

Айта кетсек, ауыр атлетикадан Қазақстан құрамасы Игорь Сон мен Зүлфия Чиншанлоның арқасында екі қоланы еншілеген. Оны қазақстандық сарапшылар «үлкен сый» ретінде қабылдаған.