Қазақстандық ауыр атлет әлем чемпионатында алтын жеңіп алды

7 желтоқсанда Ташкентте ауыр атлетикадан әлем чемпионаты басталды. Алғашқы күні ауыр атлет Арли Чонтей Қазақстанға алтын медаль әкелді.

Спортшы 55 келіге дейінгі салмақ дәрежесінде өнер көрсетті. Жұлқа көтеруде 118 келіні, серпе көтеруде 142 келіні бағындырды. Чонтей жалпы 260 келіні бағындырып, бірінші орынға ие болды.

Екінші орын Тада Сомбунуанға бұйырды – 256 келі. 254 келі көрсеткішпен болгариялық Анхель Русев үшінші орынға тұрақтады.