Қазақстандыққа оқ жаудырған поляк өмір бойына бас бостандығынан айырылуы мүмкін
16 жастағы қазақстандықты өлтірді деген күдікпен ұсталған бұрынғы полицей өмір бойына бас бостандығынан айырылуы мүмкін.
«Сот ұсталған адамды үш ай мерзіміне қамауға алды. Бұл әрекеті үшін ол 25 жылға немесе өмір бойына бас бостандығынан айырылады», - деді Люблин аудандық сотының өкілі Барбара Марковска.
Польшаның аңшылық агенттігі бұл оқиға кездейсоқтық емес, әдейі жасалған қасақана әрекет деп болжады.
«Бұл аңшылық апат емес. Бұл кәдімгі жауыздық іс. Біздің білуімізше, танылмаған нысанаға ату шындыққа сәйкес келмейді. Ол атпас бұрын, өзінің неге дәлдеп тұрғанын тексеруі керек еді. Бұл ойын емес, адам болған», - деді аңшылық жөніндегі жоғары кеңестің президенті Рафал Малец.
Белгілі болғандай, жасөспірімді атып тастаған 51 жастағы экс-полицейдің мылтық ұстауға рұқсат лицензиясы болған.
Тексеріс барысында оның төрт аңшы мылтығы табылған. Бірақ ешқашан психологиялық сынақтан өтпеген. Оған полиция қызметкері ретінде аң аулауға рұқсат берілген. Алкоголді асыра пайдаланғаны және өзін агрессивті ұстағанына қарамастан, ол мылтық лицензиясынан айырылған жоқ.
Еске салайық, өткен айдың басында қазақстандық 16 жастағы жасөмпірім оқ жарақатынан қайтыс болған. Құрдастарымен алма теруге баққа барған жасөспірім қайғылы оқиғаға тап болған.
Оқ баланың ішкі ағзаларын жарақаттаған. Жаралы бала интернатқа жеткізіліп, дәрігер шақырылды. Бірақ дәрігерлер жасөмпірімді құтқара алмады.
Көп ұзамай екі күдікті қамауға алынды. 51 жастағы полицейге кісі өлтіру бабы бойынша, ал оның 41 жастағы серіктесіне жаралыларға көмек көрсетуден бас тартқаны үшін айып тағылды.
Оқ жаудырушы жасөспірімді емес, қабанды көздегеніне сенімді болған. Сақшылар ер адам оқиғаның барлығын өте дәл суреттеді деп сендірді.
Бастапқыда ер адамның кінәсі дәлелденсе, ол сегіз жылға дейін бас бостандығынан айырылуы мүмкін екендігі хабарланған. Прокуратураның хабарлауынша оның серіктесі, бес жылға бас бостандығынан айырылуы мүмкін.
Сондай-ақ, Польша тұрғындары атылған жігітті еске алып, гүл шоқтарын қойып, шырақтар жаққаны туралы хабарланды.
Жаңалықтар
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатылып, біршама тұлғаларды тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр станциясын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр
- Оралдағы су басқан саяжайлардың тұрғындары тағы да әкімдікке жиналды
- Енді үйдегі интернетті телефон арқылы қосуға болады
- Тоқаевтың Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды
- Татарстанда қазақ тілі оқытылатын болады
- Қазақстан Энергетика министрлігі басшылығының мессенджерлеріне хакерлік шабуыл жасалды
- Депутат баспананы табиғи апаттан сақтандыруды міндеттеуді ұсынып отыр
- Boeing ұшақтары қауіпсіз бе: АҚШ-тың Әділет министрлігі тергеуді бастады
- Әділет министрлігі екі саяси партияны тіркеуден бас тартты
- ҰБТ-2024 Қазақстанның он төрт облысында басталды
- Әлия Назарбаеваның рейдерлік әрекеті халықаралық деңгейге шығады
- Назарбаевтың бұрынғы келініне қатысты іс: Сот қашан басталады?
- Қазақстанда мәдениетсіз әртістер айыппұлмен жазаланады
- Бишімбаев ертерек бостандыққа шыға ала ма?