Қазақстанда жылына 50 мыңнан астам жыртқыш құс өледі

Елімізде жылына 50 мыңнан астам жыртқыш құс өледі. «Қазақстанның экологиялық ұйымдары қауымдастығының» төрайымы Айгүл Соловьева онлайн-кеңесте жыртқыш құстарға байланысты мәлімдеме жасады.

Бұл туралы Orda.kz хабарлайды.

- Сарапшылардың пікірінше, 50 мыңнан астам жыртқыш құс жыл сайын жоғары вольтты электр сымдарына түсіп өледі, бұл популяцияның азаюына әкеледі. Қазақстанда жыртқыш құстарды заңсыз алып кету фактілері де жиілеп кеткен. Жыл сайын табиғатты қорғау және құқық қорғау органдары контрабанда фактілерін тіркейді. Заңсыз әкетудің салдарынан Қазақстанның жабайы табиғатындағы Қызыл кітаптағы құстар популяциясы азайып келеді, - деді Айгүл Соловьева.

Оны биоалуандықты зерттеу және сақтау орталығының атқарушы директоры Нұрлан Оңғарбаевтың айтуынша, жыртқыш құстарға жемтігі анық көрінетін биік жерлер керек.

- Жыртқыш құстар айнала ашық көрінетін орын іздейді, оған әсіресе, биік төбелер ыңғайлы. Сол жерден құстар жемтігін оңай аулайды, маңайды бақылай алады. Сондықтан шөл және дала аймақтарында жоғары вольтты электр желілеріне шығып, электр тоғына түсіп өледі, - деді ол.