Қазақстандағы жер қойнауын пайдаланушылар міндеттерін орындамаған

Қазақстанда жер қойнауын пайдаланушылар міндеттемелерін төмен орындаған 175 келісімшарт анықталды, деп хабарлады Премьер-Министрдің баспасөз қызметі.

Қазақстанда жер қойнауын  пайдаланушылардың кемшілігі  анықталды, енді олармен келісімшарттар бұзылады. Бұл туралы ҚР Премьер-Министрінің бірінші орынбасары Роман Склярдың қатысуымен өткен қатты пайдалы қазбалар мен көмірсутектердің кен орындарын қайта қарау мәселелері жөніндегі кеңестен кейін белгілі болды.

«Талдау барысында уәкілетті органдар міндеттемелерін  төмен орындаған;  қатты пайдалы қазбаларына қатысты  148 және көмірсутек шикізатына 27 тиесілі келісімшартты анықтады. Тиісті жол картасы аясында тоқтату туралы тиісті хабарламалар жіберілетін келісімшарттар мен лицензияларды анықтау жоспарлануда» делінген хабарламада.

Аталғандай, «осы жұмыстардың нәтижесінде депозиттер жаңа инвесторларға беру үшін аукционға шығарылады».

«Аукционда жер қойнауын пайдалану құқығын беру барлық мүдделі инвесторлардың қатысуына тең мүмкіндік береді. Аукциондарды өткізу туралы ақпарат республикалық  басылымдарында және мемлекеттік органдардың интернет-ресурстарында міндетті түрде орналастырылады. Қабылданған шаралардың нәтижесінде жер қойнауын пайдалану саласына, бірінші кезекте қатты пайдалы қазбалар кен орындарын игеруге инвестиция ағыны артады. Үкіметтің бұл бағыттағы жұмысы одан әрі жалғасатын болады»  деп сендірді министрлер кабинеті.