Қазақстанда Жеңіс күніне орай әскери шеру болмайды

Қазақстанда Жеңіс күніне орай әскери шеру өткізу жоспарланбаған. Бұл туралы Қорғаныс министрлігінің баспасөз қызметі хабарлады.

- 2022 жылы Қазақстан Республикасы Қарулы Күштерінің құрылғанына 30 жыл толуына және 1941-1945 жылдардағы Ұлы Отан соғысындағы Жеңіс күніне арналған әскери шеру өткізу жоспарланбайды, - делінген хабарламада.

Сонымен қатар қорғаныс ведомствосы жоспарланған әскери-патриоттық іс-шаралар туралы мәлімдеді. Ұлы Отан соғысы және Қарулы Күштер ардагерлеріне құрмет көрсету шаралары жеке шаралардан тұрады.

Министрлік еліміздің барлық өңірлерінде барлығы 50-ге жуық түрлі іс-шаралар өткізуді жоспарлап отыр. Еске сала кетейік, өткен жылы еліміздегі эпидемиологиялық жағдайға байланысты Отан қорғаушылар күні мен Жеңіс күніне орай әскери шеру өткізуден бас тартқан болатын.