Қазақстанда жеңілдетілген автонесие қашан іске қосылатыны белгілі болды

Жеңілдетілген автонесие берудің жаңа мемлекеттік бағдарламасы 2022 жылдың сәуірінде іске қосылады. Бұл туралы премьер-министрдің бірінші орынбасары Роман Скляр хабарлады.

Бағдарламаны қаржыландыру «Жасыл Даму» мекемесінің есепшотында жинақталған қаражат есебінен жүзеге асырылады. Мемлекеттік бағдарламаның бюджеті 100 млрд теңгені құрайды.

«Мемлекеттік автонесие бағдарламасы сәуір айында іске қосылады. Қазір регламент пысықталып жатыр» деді Роман Скляр.

Жаңа мемлекеттік бағдарлама аясында қазақстандықтар көлік сатып алу үшін несие ала алады. Несиенің шекті сомасы – 10 млн теңге.

Несиеде бастапқы жарна қарастырылмаған, ол жеті жылға жылдық 4% беріледі.

Еске салсақ, 11 қаңтарда Қасым-Жомарт Тоқаев үкіметке утиль алым төлемдерін тоқтату шараларын қабылдауды және «РОП Оператор» ЖШС-не бұйрық беруді тапсырған болатын.

19 қаңтарда үкімет «РОП Оператор» ЖШС-не қатысты қаулы қабылдады. Жеке компанияның мүлкі мемлекет меншігіне өтті.

12 ақпанда Қазақстан премьер-министрінің бірінші орынбасары Роман Скляр елде утиль алым ақысының мөлшерлемесі 50%-ға төмендейтінін мәлімдеді.

23 ақпанда «РОП Операторы» есебінен автокөлікті несиелендіру шарттары бекітілді.