Қазақстанда зейнетақы төлемдерінің жеткілікті шегі өсті

Қазақстанда зейнетақы төлемдерінің жеткілікті шегі өсті. 1 сәуірден бастап жеткіліктілік шегі екі есе өскен. Мысалы, 20 жастағы балалар үшін жеткіліктілік шегі 3,1 миллион теңгені құрайды. Бұған дейін 1,7 миллион теңге болған.

30 жастағылар үшін 4,37 миллион теңгені құрайды, ал бұрын ол 2,5 миллион теңге деңгейінде болған. 40 жастағы адамдар үшін жеткіліктілік шегі 5,79 миллион теңге болды, бұрын 3,42 миллион теңге болатын.

Еске салайық, жеткілікті шектің айтарлықтай артуы АЕК-тің 2 917-ден 3 063 теңгеге дейін, ең төменгі зейнетақының 43 272-ден 46 302 теңгеге дейін және ең төменгі жалақының артуына байланысты болды. Ең төменгі жалақы мемлекет басшысының тапсырмасымен 42 500 теңгеден 60 мың теңгеге дейін өсті.

2021 жылғы 9 желтоқсанда президент Қасым-Жомарт Тоқаев Үкіметке бұрынғы жеткіліктілік шектерінің қолданылу мерзімін 2022 жылғы 1 сәуірге дейін ұзартуды тапсырған еді. 31 наурызда Еңбек және халықты әлеуметтік қорғау министрі Серік Шәпкенов жеткілікті шекті арттыру «болашақ зейнеткерлердің құқықтарын қорғайды» деп айтты.