Қазақстанда зейнетақы мен АЕК мөлшері өзгереді

Қазақстанда есептелген көрсеткіштердің көлемін өзгерту жоспарлануда.

«2022-2024 жылдарға арналған республикалық бюджет туралы» Қазақстан Республикасының Заңына тиісті өзгерістер мен толықтырулар енгізілген жоба «Ашық НҚА» порталында жарияланған.

Құжат жобасына сәйкес:

• мемлекеттік базалық зейнетақы төлемінің ең төменгі мөлшері 20 191 теңгені (қазіргі уақытта 19 450 теңге) құрайды.
• ең төменгі зейнетақы – 48 032 теңге (қазір – 46 302 теңге)
• айлық есептік көрсеткіш 3180 теңгені (қазіргі уақытта 3063 теңге) құрайды.
• базалық әлеуметтік төлемдердің мөлшерін есептеу үшін ең төменгі күнкөріс деңгейі 37 389 теңгені (қазіргі уақытта 36 018 теңге) құрайды.

Жобаның қоғамдық талқылауы 2022 жылдың 21 сәуіріне дейін жалғасады.