Қазақстандағы жем-шөп мәселесі тұрақталды - Қарашөкеев

Құрғақшылық өз кесірін тек мал шаруашылығына емес, сондай-ақ егістік алқаптарына тигізді, деп мәлімдеді Ауыл шаруашылығы министрінің міндетін атқарушы Ерболат Қарашөкеев үкімет отырысында.

Бұл туралы Orda.kz хабарлады.

Еске салсақ, 23 тамыздан бастап ірі көлемдегі азықты республикадан әкетуге уақытша тыйым салуды енгізу туралы ереже күшіне енеді.

Ерболат Қарашөкеев елдегі жағдай туралы да айтып өтті.

– Климаттың өзгеруі су ресурстарының өсіп келе жатқан тапшылығына әкелді. Нәтижесінде суармалы жерлер соңғы 30 жылда 2 еседен астамға – 3 млн га-дан 1,4 млн га-ға дейін қысқарды. Атмосферадағы қалыптан тыс құрғақшылыққа байланысты дәнді-дақылдар егістерінің жай-күйі айтарлықтай нашарлады және бұл Қазақстанда ғана болып жатқан жайт емес, - деді министрдің міндетін атқарушы.

Биыл 769,5 мың тонна көлемінде астық жеткізуге келісімшарт жасалған. Және Азық-түлік келісімшарт корпорациясында қазіргі таңда 448 мың тонна резервтік астық қоры бар.