Қазақстандағы көше атауларын өзгертуге мораторий енгізу ұсынылды

Қазақстанда 1 мамырдан бастап елді мекендердегі көшелер, аудандар, алаңдар мен даңғылдардың атауын өзгертуге уақытша мораторий енгізу ұсынылды.

Мараторий біржолға емес. Ол тек жылдың соңына дейін әсер етеді. Оған себеп – 1 қыркүйек пен 15 қазан аралығында өтетін онлайн санақ. Ұсынысты премьер-министрдің бірінші орынбасары Әлихан Смайылов халық санағы жөніндегі арнайы комиссияның отырысында мақұлдады.

«Сапалы санақ жүргізу үшін комиссия 2021 жылдың 1 мамырынан 31 желтоқсанына дейінгі аралықта:

• әкімшілік-аумақтық бірліктерді құру
• әкімшілік-аумақтық бірліктерді жою
• әкімшілік-аумақтық бірліктерді қайта құру бойынша ұсыныстарға мораторий енгізіледі».

Вице-премьер мақұлдаған ұсыныс енді президент әкімшілігіне жіберіледі.