Қазақстандағы интернет-алаяқтық күрт өсті

Онлайн-брифингте Ішкі істер министрлігі Қазақстанда 2020 жылдан бастап интернеттегі алаяқтықтың өскенін айтты.

Бұл туралы Orda.kz хабарлады.

– Алаяқтық қылмыстың кең таралған түрлерінің бірі болып қала береді. Олардың қылмыстық құқық бұзушылықтардағы үлесі 27 пайызды құрайды. Жалпы қылмыстарды тіркеудің өткен жылдың сәйкес кезеңімен салыстырғанда 20 пайызға (32 762-ден 26 530 фактіге) дейін төмендеуіне қарамастан, алаяқтық саны 33 пайызға өсті (6347-ден 8441 іске). Интернеттегі алаяқтықтың өсімі 139 пайызды құрады, - деді ІІМ тергеу бөлімінің бастығы Санжар Әділов.

Оның айтуынша, желідегі алаяқтықтың алдын алу үшін министрлік алаяқтық әдістері туралы кең ақпараттық және түсіндіру жұмыстарын жүргізеді.

Интернеттегі алаяқтық бағыттары туралы ақпарат әлеуметтік желілерде де орналастырылған.