Қазақстандағы ең үздік мектептер тізімі жарияланды

Үздік мектептер қатарына Алматыдағы Республикалық физика-математика мектебі, Ақтаудағы «Білім - инновация» лицейі және Алматыдағы физика-математика бағытындағы Назарбаев Зияткерлік мектебі кірді.

Бұл туралы Orda.kz хабарлады.

Рейтингті Matol.kz порталы жасады, барлық мәліметтер олимпиаданың ресми сайтынан алынды.

2020-2021 оқу жылына арналған республикалық олимпиаданың қорытындылары бойынша Қазақстанның 116 ең жақсы олимпиадалық мектептерінің тізімі жарияланды.

Ұпайлар қалай есептелді:

• алтын медаль үшін - 3 ұпай,
• күміс үшін - 2 ұпай,
• қола үшін - 1 ұпай.

Басымдық:

• ұпай саны
• алтын медаль;
• күміс медаль;
• қола медаль.

Үздік үш мектептің қатарына:

• Алматыдағы Республикалық физика-математика мектебі - 6 алтын, 12 күміс және 15 қола медаль,
• Ақтау қаласындағы «Білім» инновациялық лицейі - 3 алтын және 10 күміс және қола медаль,
• Алматыдағы физика-математика бағытындағы Назарбаев Зияткерлік мектебі - 6 алтын және күміс, 8 қола медальмен кірді.

Олимпиада 26-30 сәуір аралығында өтті. Ұйымдастырушы «Дарын» РНТСП болды. Олимпиада биыл алғаш рет «бір қатысушы - бір компьютер - бір камера» қағидаты бойынша прокторлау жүйесін қолдану арқылы өтті. Сондай-ақ, тапсырма авторларымен құпия ақпаратты жария етпеу туралы келісімдер жасалды. Жеңімпаздар мен жүлдегерлер халықаралық олимпиадаларда Қазақстан атынан қатысады.

Олимпиада 16 жалпы білім беретін пәндер бойынша өтті: 6 жаратылыстану-математикалық және 10 қоғамдық-гуманитарлық бағыттағы пәндер. Олимпиадаға орта мектептердің 1600-ге жуық оқушылары қатысты.