Қазақстандағы қай вакцинаны халал деп атауға болады?

Денсаулық сақтау вице-министрі, елдің бас мемлекеттік санитарлық дәрігері Ерлан Қиясов қазақстандықтарға қол жетімді үш вакцинаның қайсысы «халал» бола алады деген сұраққа жауап беруге қиналды.

«Вакциналар халал ма, жоқ па деген мәселе медицина саласына жатпайтынын ескеру керек. Көптеген ислам елдерінде вакцинация процедуралары жоспарланып, жүзеге асырылады. Вакцинаны әзірлеу өте қиын жағдайларда жүріп жатқанын ескере отырып, осы вакциналарға деген қажеттіліктің өзектілігі де ескеріледі, өйткені инфекция мен өлім-жітімнің деңгейі жоғары, бұндайда «халал вакцина ма, жоқ па?» деген мәселе қарастырылмайды. Біз дәрігерміз, екпенің тиімділігі туралы айтып тұрмыз», - деді ол журналистердің сұрақтарына жауап бере отырып.

Денсаулық сақтау вице-министрі Ажар Гиният әріптесіне көмекке келді. Ол қазіргі кезде медициналық қызметкерлер қабылдап жатқан ресейлік «Спутник V» вакцинасы адамның адоневирусы негізінде жасалғанын түсіндірді.

«Егер екпенің құрамын сұрап тұрсаңыз, онда вакцина адамның адоневирусы негізінде жасалған. Сондықтан, егер құрамы қызықтырса, бұл адам вирустары», - деп қосты Гиният.