Қазақстанда төтенше жағдай тоқтатылады - Берік Уәли

19 қаңтарда түн ортасынан бастап Нұр-Сұлтан мен Алматы қалаларында, сондай-ақ Алматы, Атырау, Жамбыл, Қызылорда және Маңғыстау облыстарында төтенше жағдай режимі тоқтатылады.

Бұл туралы ҚР президентінің баспасөз хатшысы Берік Уәли хабарлады.

Еске салсақ, бұған дейін президент өзге өңірлердегі төтенше жағдайды мерзімінен бұрын алып тастаған болатын.

Осылайша бүкіл ел қалыпты өмірге қайта оралуда. Төтенше жағдай кезеңінде енгізілген коменданттық сағат және басқа да уақытша шектеулер жойылды.

«Халықтың бірлігі мен ынтымағы, құқық қорғау органдары мен әскердің жанкешті еңбегінің арқасында бүкіл Қазақстан бойынша тәртіп пен тыныштық орнады. Елімізде әрқашан тыныштық пен береке болсын!» деді Берік Уәли.