Қазақстанда сүт қымбаттайды

Қазақстанда сүт қымбаттайды. Қазақстандық сүт өндірушілер осындай болжам жасады.

Бұл туралы Orda.kz «Хабар 24-ке» сілтеме жасап хабарлайды.

Негізгі себеп – Еуразиялық экономикалық одақ талаптарына сай тауарды таңбалаудан өткізу. Бұл жағдайға байланысты шығыс қазақстандық кәсіпкерлер алаңдап отыр. Айтуынша, енді өнімнің өзіндік құны 29 пайызға дейін көтерілмек.

Өйткені құрылғы сатып алуға кететін қаражат бағдарламалық қамсыздандыру, таңбалауға қажет материалдар мен жұмыс күшіне төленетін еңбекақы және өзге де шығындарды өтеу қажеттігі туды.

Жаңа жүйені енгізу үшін кәсіп иелеріне қаржылай көмек керек. Кәсіпкер Анне Аберлен бастапқы күйде бағасы өскен тауардың тұтынушыға жеткенге дейінгі құны тіптен шарықтайтынын айтты. Шамамен 40-50 пайыз қосылады. Демек, бүгінде сүттің литрі орташа бағамен 420 теңгеден саудаланса, бұдан былай ол 600 теңге болуы мүмкін.