Қазақстанда құрылыс материалдары  экспорты 206 млн долларға артады

ҚР Инвестициялар және даму министрлігі еліміздегі құрылыс материалдары  экспортын 206 млн долларға арттыруды жоспарлап отыр.

Қазақстан Республикасы Инвестициялар және даму министрлігі құрылыс материалдары  экспортын 206 миллион долларға арттыруды жоспарлап отыр, деп хабарлайды ведомствоның баспасөз қызметі.

«Құрылыс материалдарын өндіруде импорттық өнімді $890 млн-ға ауыстыруға, сонымен қатар экспортты $206 млн-ға арттыруға мүмкіндік беретін 24 негізгі жобаны жүзеге асыру жоспарлануда. Жалпы, керамикалық плиталар, автоклавты газоблок, жылу оқшаулағыш материалдар, сэндвич-панельдер сияқты тауар импортын 100%  алмастыру жоспарлануда»  делінген хабарламада.

Сонымен қатар, құрылыс материалдары өнеркәсібінде Қазақстанда бұрын-соңды шығарылмаған жаңа тауарлардың: санитарлық-тұрмыстық бұйымдар, ішкі есіктер, ламинатталған ДСП және еден жабындары өндірісі құрылатыны хабарланды.