Қазақстанда ПТР сынамаларының бағасы арзандады

Ұлттық сараптау орталығы коронавирусқа арналған ПТР сынақтарының құнын төмендетті.

Бәсекелестікті қорғау және дамыту агенттігінің баспасөз қызметі ведомствоның баға конъюнктурасын қадағалау және COVID-19-ға ПТР тестілеуін жүргізу бойынша зертханалық қызметтер нарығында шаралар қабылдау бойынша жұмысты жалғастырып жатқанын атап өтті.

– 2021 жылғы 6 желтоқсанда «Ұлттық сараптама орталығы» РМК COVID-19-ға ПТР тестілеу қызметінің құнын 6,4 мыңнан 4,9 мың теңгеге дейін төмендетті, - делінген хабарламада.

ПТР сынамалары Алматыда («Иннова» зертханасы) 6 мың теңгеге, Атырау облысында («Interteach, «Western», «Dostar Med Prestige») 7 мың теңгеден 5 мың теңгеге дейін төмендеді.

– Түркістан облысы бойынша департаменттің монополияға қарсы заңнаманы сақтау бөлімі мен Түркістан қалалық ауруханасы жасаған келісім аясында аталған емдеу мекемесіндегі баға 7 мың теңгеден 4,9 мың теңгеге дейін төмендетілді, - делінген хабарламада.

Қазақстандағы филиалдары бар ірі желілік зертханалардағы COVID-19-ға ПТР сынамаларының бағасы бұрынғысынша сақталатыны – орташа есеппен шамамен 7,4 мың теңге болатыны нақтыланды.