Қазақстанда психотроптық препараттардың ірі арнасы жойылды

Арнайы операция барысында төрт келіден астам «мефедрон» және «α-PVP» психотроптық заттары тәркіленді.

Ақтөбеде ҰҚК департаментінің қызметкерлері интернет-ресурстар арқылы психотроптық заттарды сатты деген күдікпен төрт қазақстандықты ұстады. Олардың екеуінде 1,7 келіден астам «мефедрон» және «α-PVP» психотроптық заттар, есірткі тобының тағы екі мүшесінен 2,8 келі синтетикалық есірткі тәркіленді.

 «Осындай жағдай  2 наурызда да  болды, Шығыс Қазақстан облысында Алматыдан Өскеменге есірткі тасымалдады деген күдікпен азамат ұсталды. Жедел-іздестіру іс-шаралары барысында заңсыз айналымнан 1,2 келі психотроптық зат тәркіленді. Қара нарықта тәркіленген есірткінің алдын ала құны 114 миллион теңгеден асады» деп хабарлады Қазақстан Республикасы Ұлттық қауіпсіздік комитетінің баспасөз қызметі.