Қазақстанда президенттің әдеби сыйлығы пайда болады

Қазақстандық жас жазушылар мен ақындарды қолдау үшін арнайы сыйлық тағайындалады.

Қазақстанда президенттің әдеби сыйлығын беру мәселесі талқыланып жатыр. Бұл туралы Сенат депутаттарының сауалына берген жауабында ҚР Премьер-Министрінің орынбасары Ералы Тоғжанова айтты, деп хабарлайды ҚазАқпарат.

— Қазақстандық жас жазушылар мен ақындарға қолдау көрсету мақсатында Президенттің әдеби сыйлығын беру мәселесі пысықталуда, - деді Ералы Тоғжанов.

Оның айтуынша, қазір Мемлекет басшысының тиісті Жарлығының жобасы мүдделі мемлекеттік органдармен келісіліп жатыр.

Президенттік сыйлыққа «Проза», «Поэзия», «Драматургия», «Балалар әдебиеті» номинациялары бойынша ерекше  туындылары  үшін 18 бен 29 жас аралығындағы Қазақстан Республикасының азаматтары үміткер бола алады.

Сондай-ақ, Ералы Тоғжанов қолданыстағы заңнамада отандық әдебиетті қолдаудың тетіктері жеткілікті екенін атап өтті.