Қазақстанда Нобель лауреаттарымен әлемдік ғылым апталығы өтеді

Нобель сыйлығының лауреаттары мен әлемдік сарапшылардың қатысуымен Дүниежүзілік ғылым апталығы 2021 жылы 7-16 сәуір аралығында Нұр-Сұлтанда онлайн режимде өтеді, деп хабарлады Orda.kz.

Дүниежүзілік ғылым апталығы аясында екі негізгі іс-шара өтеді:

• Орталық Азиядағы екінші Нобель фестивалі
• Қазақстан мен Орталық Азия университеттеріне арналған Нобель дәрістері апталығы

ТМД елдеріндегі ең ірі білім беру және ғылыми-көпшілік іс-шаралардың бірі болып табылатын екінші Нобель фестивалі 2021 жылдың 7-9 сәуір аралығында өтеді. Фестиваль ұраны – «Болашақты ойлап табу». Оның бағдарламасы үш негізгі бағытта технологиялар мен инновацияларды дамытуға бағытталған: мүмкіндіктер экономикасы, болашақ индустриясы және EdTrends (білім беру үрдістері). Нобель фестивалінің ұйымдастырушысы - Инклюзивті Даму Қоры.

Ал 2021 жылдың 12-16 сәуірі аралығында Қазақстан мен Орталық Азия университеттеріне арналған Нобель дәрістері болады.

Фестивальға қатысу ақысыз, тіркелу ресми Nobel Fest сайтында қол жетімді. Орындар саны шектеулі.

Еске салсақ, Нобель фестивалі – бұл ең алдымен адам капиталын дамытуға бағытталған коммерциялық емес жоба.