Қазақстанда неше жастан бастап әкім болуға болады?

Қазақстанда неше жастан бастап әкім болуға болады. Облыс әкімдерінің орташа жасы 55 жасты құрады.

Бұл туралы Orda.kz хабарлады.

Зерттеу Қазақстанның 17 облысында жүргізілді.

Ең жас әкім - әлі қырық жасқа толмаған Шымкенттің басшысы Мұрат Әйтенов. Ол республикалық маңызы бар қала басшысы лауазымына 38 жасында келді. 1,3 жыл қызмет атқарып келеді. Әкім өзінің кәсіби мансабын 2004 жылы ҚР Қорғаныс министрлігінің кезекші ауысымының аға инженері болып бастаған.

Ең жасы үлкен Алматы облысының әкімі - Амандық Баталов. Ол 68 жаста. Қызметте жеті жылға жуық отыр, атап айтқанда, 2014 жылдың 20 тамызында тағайындалған. Ол өз мансабын 1981 жылы аға бригадир болып бастаған.

67 жасында Бердібек Сапарбаев Жамбыл облысының басшысы болып тағайындалды. 1,2 жыл бойы осы облысты басқарады. Қазір әкім 68 жаста. Еңбек жолын 1969 жылы Жаңақорғандағы Задаринский совхозында жұмысшы болып бастаған. Сапарбаев 51 жылдан кейін Жамбыл облысының басшысы болды.

Алматы облысының әкімі бұл қызметте ең ұзақ 6,7 жыл, ең азы Қызылорда облысының әкімі 1,1 жыл отырған.

Сондай-ақ, 17 облыстың ішінен бір ғана әкім әйел адам. Қызылорда облысын 56 жастағы Гүлшара Әбдіхалықова басқарады. Ол Қызылорда облысы әкімі міндетін 2020 жылдың наурыз айының соңында бастады.

Әкімдердің барлығы дерлік қазақ және орыс тілдерінде сөйлейді. Нұр-Сұлтан, Ақтөбе, Қызылорда және Жамбыл облыстарының әкімдері қазақ және орыс тілдерінен басқа ағылшын тілінде сөйлейді. Ал Жамбыл облысының әкімі түрік тілін меңгерген.