Қазақстанда ұн тапшылығынан нан бағасы қымбаттауы мүмкін

Atameken Business телеарнасының мамандары ұн тапшылығынан әлеуметтік маңызы бар нан өнімі 250 теңгеге дейін қымбаттауы мүмкін екенін айтты.

Қазіргі таңда ұн бағасы аспандап кеткен. Тек жаз басынан бері ол үш пайызға көтерілген. Мамандар ресейлік өндірушілердің жаппай келіп жатқанына алаңдаулышылық білдірді.

«Нан 250 теңгеден қымбат болады, маған сеніңіз. Осының барлығы қалдықтарды жинаудың шешілмеген проблемалары. Кедендік одаққа мүше елдер арасындағы сауда саясатын делимитациялау проблемалары, мақсат қою және жанжалдарды тексерудің шешілмеген мәселелері. Бұл өнімдердің бағасына алыпсатарлық заңсыздыққа әкеліп соқтырады. Сондықтан нан бағасы көтерілсе, таң қалмаңыз» деді экономист Айман Тұрсынқан.

Дегенменде диірменшілер мен астық өңдеушілер ұн бағасының қымбаттауы олардың кінәсі емес екенін жеткізді. Қазіргі таңда Қазақстан ұнды шектен тыс экспорттайды. Шетелдік трейдерлер дайын өнімді емес, шикізатты сатып алып, өз елінде өңдеп жүр. Осыған байланысты диірменшілерге ештеңе қалмай жатыр.

«2022 жылдың шілде айындағы жағдай бойынша Қазақстандағы 2300 ұн тартатын кәсіпорынның 174-і ғана қалды. Олар өз құны бойынша ғана жұмыс істейді, рентабельділік екі пайызды ғана құрайды...» деді ұн тарту кәсіпорнының директоры Дос-Мұқасан Тәукебаев.