Қазақстанда миллиондаған бала кедейлік зардабын шегуде

Қазақстандағы көпбалалы отбасылардың балалары мемлекет тарапынан әлеуметтік қолдауға мұқтаж. Бұл туралы депутат Ерлан Смайылов мәлімдеді.

Ол елде миллионға жуық бала кедейшілікте өмір сүріп жатқанын айтты. ЮНИСЕФ-тің зерттеуіне сәйкес, қазақстандық балалардың 15,6%-ы ең төмен табыс деңгейі бар отбасында тұрады.

— Біздің республикада әрбір алтыншы бала, жалпы алғанда миллионға жуық бала кедейшілікте өмір сүреді. Статистикалық мәліметтерге сәйкес, елімізде 340 мыңнан астам көпбалалы отбасылар кедейліктен зардап шегеді. Толық емес отбасыларға да қауіп төнеді: көбінесе оларға мемлекет тарапынан әлеуметтік қолдау көрсетілмейді, деді Смайылов.

Яғни, Қазақстанда миллионға жуық бала кедейшілікте өмір сүреді. Отандық зерттеулер кедей қазақстандықтардың 80%-ы бес немесе одан да көп адамның отбасыларында тұрады деп мәлімдейді.

— Шындық сол, бір, екі немесе үш баланы тәрбиелеп отырған жалғызбасты ана немесе жалғызбасты әке де қиындықтарға тап болады, бірақ әлеуметтік қолдауға мұқтаждар санатына жатпайды. Зерттеу деректері бойынша бізде осындай 500 мыңнан астам отбасы болуы мүмкін, ал олардың басым көпшілігі жалғызбасты аналар, - деді мәжілісмен.

Қазақстанда жаңа жас ұрпақтың дамуына халықтың нақты кірісінің төмендеуі, тауарлар мен қызметтердің қымбаттауы, жас дамудың сапалы және қол жетімді инфрақұрылымының болмауы кедергі келтіреді.

Депутаттың айтуынша, қазіргі кезде мемлекет тарапынан ана мен баланы қолдау бойынша шаралар шашыраңқы және жүйеленбеген. Ол аналық капиталды енгізуді, сондай-ақ әлеуметтік төлемдердің принципі мен мөлшерін қайта қарауды ұсынды.

— Аналық капитал ретінде елдегі әр балаға 4,2 млн теңге көлемінде мемлекеттік төлем енгізу қажет. Оны тұрғын үйге, білім алуға жұмсауға және аналық жинақ ретінде пайдалануға болады, деді Смайылов.