Қазақстанда майнерлер жұмысын қайта бастады

Елде электр қуатының тапшылығы басталғаннан кейін үкімет барлық майнинг-фермаларды энергия көзінен  ажыратты. Олар жақында қайта ашылды.

Бұл туралы толығырақ Энергетика министрі Болат Ақшолақов айтты. Ол кәсіп түрі ретінде майнингке еш қарсылығы жоқ екенін, бірақ елдің энергетикалық қауіпсіздігі бірінші орында тұруы керектігін түсіндірді.

— Тапшылық басталғанда біз барлық  майнерлерді өшірдік. Өйткені өмірлік маңызды кәсіпорындар, халық пен майнерлер арасында таңдау болды. Біз майнерлерді  энергиядан үздік. Олар кешеге дейін энергия жүйелерін қалпына келтіре бастағанға дейін жұмыс істемеді, - деді Ақшолақов.

Ол еліміздің энергетикалық жүйесінің әбден тозығы жеткенін және күрделі жаңғыртуды қажет ететінін айтты. Бұл қымбат және уақытты қажет етеді. Атом электр стансасын салу үшін кемінде бес жыл қажет. Сондықтан майнерлер баламалы  қуат көздерін іздеуі керек.

— Жаңа буын стансасы пайда болғанша және тұтынушылар, мысалы, майнерлер немесе басқалары  импорттық қымбат электр энергиясына немесе табиғи жағдайдағы  электр энергиясын өндіретін стансаларға  ауысады. Олар газ арқылы жұмыс істейді. Сондықтан олар көгілдір отынның нақты бағасын төлейді, - деп қосты министр.

Қазір департамент салық төлемейтіндерді анықтап, тарифтерін көтеру мақсатында тұтынушыларды сегменттеумен айналысуда.

Атом электр стансасының құрылысы, министрдің айтуынша, Қазақстанға энергетикалық дағдарысты жеңуге көмектеседі, бірақ барлық мәселелерді шеше алмайды.