Қазақстанда  мұнай экспорты бойынша шығын болмайды

Пессимистік сценарий бойынша, Каспий құбыр консорциумында (КҚК) жөндеу жұмыстары ұзаққа созылған жағдайда, Қазақстан жылына 16 миллион тонна мұнайды балама бағыттар бойынша қайта бағыттай  алады.

Энергетика министрі Болат Ақшолақовтың айтуынша, 68 миллион тонна мұнайдың жылына 53-54 миллион тоннасы КҚК арқылы экспортталады. Бұл экспорттың негізгі бағыты.

— Басқа балама бағыттарды  толық көлемде әзірлеу мүмкін, бірақ бұл өте ұзақ уақыт алады. Бізге техникалық шешімдер қабылдау керек, соның ішінде, мүмкін, жаңа құбырлар салу. Сондықтан, 16 миллион тоннадан сәл астам баламалы бағыттарды жедел қалпына келтіру режимінен жыл сайын қайта бағыттай аламыз, - деді энергетика министрі Болат Ақшолақов Орталық коммуникациялар қызметінде өткен брифингте.

Мұнайды теміржол көлігімен тасымалдауға вагон-цистерналардың жоқтығы  қиындық тудыруда. Қолданыстағы резервуарлардың көпшілігі ішкі нарықта қолданылады.

КҚК-да барлық үш ТЛУ жөндеу екі айға созылатын болса, Қазақстан балама жолдар бойынша айына 1,3 миллион тоннаны тарата алады, ал өндіріс айына 3 миллион тоннаға азаяды. Бірақ, министрдің айтуынша, бұл соншалықты үлкен мәселе емес, өйткені соңғы айларда мұнай бағасы күрт өсті.

— Алғашында жыл басында компаниялардың кірісі мен пайдасы $60 бағамен есептелген. Олар бизнес-компаниялардың бюджеті сияқты жоспарланған. Ал бүгінгі күні баға 120 доллардың шегінде тұр, бұл ақшалай түсімдер бойынша жоспарланғаннан екі есе көп, - деді министр.

Ел үшін қаржылық шығын болады деп алаңдаудың қажеті жоқ, деп түйіндеді Ақшолақов.