Қазақстанда коронавирус жұққандар 800-ге артты, бір өңір қызыл аймақта
Сәрсенбі күні 683 адамнан коронавирус анықталса, сейсенбіде* 115 адамға Covid пневмониясы диагнозы қойылды. 7 желтоқсанда ауруы асқынған 13 адам қайтыс болды.
ПТР арқылы коронавирус жұққаны расталғандардың ең көбі астана (104) мен Қарағанды (101) облысына тиесілі. СҚО (83), Павлодар (81), Қостанай (71), Ақмола (64) өңірлерінде де аурушаңдық өсімі тұрақты. Ақтөбе (3), Түркістан (4), Маңғыстауда (5), Жамбыл (6), Қызылорда (7), Атырау (7) облыстарында біршама азайған. Өткен күні 1044 адам айығып шыққан, алдыңғы тәулікте 12 адам көз жұмған.
Covid пневмониясына шалдыққан 115 сырқаттың басым бөлігі Ақмола (27), ШҚО (25), Алматы облысы (15), Жамбыл (11) аймақтарынан. Сондай-ақ, ауруынан сауыққан 207 адам үйіне жіберілген. Бір адам өмірден өтті.
Денсаулық сақтау министрлігінің мәліметінше, қазір 22 мыңнан аса адам емделіп жатыр. Оның 19 мыңнан көбі коронавирус, 3 мыңға жуығы Covid пневмониясын жұқтырғандар. 4,4 мың науқас ауруханада, тағы 18 мыңдайы амбулаториялық бақылауда. 349 адамның хәлі ауыр, 85 науқастың жағдайы өте нашар және 60 адам өкпені жасанды желдету аппаратымен тыныстауға мәжбүр.
Эпидкарта дерегінше, Ақмола облысы қызыл аймаққа өткен. Сонымен қоса, елорда, Қарағанды, СҚО, Павлодар, Қостанай облыстары сары аймақта қалып отыр. Өзге 11 өңір жасыл аймақта.
Елде пандемия басталғалы тек билік мойындаған деректің өзінде коронавирусқа шалдыққандар 1 млн 61 мыңға (КВИ+ 977,5 мың, КВИ- 83 мың) жуықтаса, қайтыс болғандар қатары 18 мыңға таяған. Тәуелсіз зерттеу ұйымдары мен сарапшылар шынайы көрсеткіш бұдан әлдеқайда көп дейді. Билік ресми статистикаға кіргізбейтін «коронавирустың жанама әсерінен» қайтыс болған 3685 адамның бойынан ПТР арқылы инфекция бары анықталса да, жалпы есептен тысқары қалған.
Қазақстан вирус таралуы бойынша әлемде Джонс Хопкинс университеті және ДДСҰ тізіміндегі 221 ел мен аймақтың арасында 41-орында тұр.
*Қазақстанда Covid пневмониясын жұқтырған науқастар есебі мен қайтыс болғандар есебі ПТР арқылы расталған коронавирус туралы мәліметке қарағанда бір күнге кешігіп жарияланады
Жаңалықтар
- Қазақстан халқының саны 20,1 миллион адамға жақындады
- 2025 жылға қарай Алматыда апатты жағдайдағы 708 үй бұзылады
- Көкшетаудағы қазандықтарды жөндеуге 816 миллион теңге бөлінді
- Елімізде сот сараптамасының жаңа түрі пайда болады
- Антикор азық-түлік бағасын реттеуді ерекше бақылауға алады
- Қазақстандағы төрт ірі су қоймасы 100 пайызға толды
- Үш қазақстандық экстремизмге қатысы бар деген күдікпен ұсталды
- Алматы мен Павлодар облыстарының тұрғындарына су басу қаупі туралы ескертілді
- Ескі көліктерге салық азайтылады
- Астанадағы өнеркәсіптік альпинистердің өліміне кінәлі адам төрт жылға бас бостандығынан айырылды
- Қазақстандықтарға екі емес, бір ЭЦҚ кілті беріледі
- Мердігер Алматыдағы Әлия мен Мәншүк алаңын жөндеу мерзімін өткізіп алған
- 13 жасар балаға тапа-тал түсте оқ атқан: полиция қылмыскерді іздеп жатыр
- Су тасқынынан 26 мектеп зардап шекті
- Ақтау тұрғындарына қауіп төніп тұр
- Қазақстан Ресей мен Украина арасындағы келіссөздер үшін алаң беруге дайын - Абаев
- АҚШ-та Палестинаны қолдайтын студенттердің наразылығы күшейді
- Тұтынушы деректерін жоғалтқан МҚҰ қазақстандықтардан 30 миллиард теңгеге жуық табыс тапты
- Алматыда Ганди мен Батыс Желтоқсан көшелерінің қиылысындағы қозғалыс жабылады
- Астаналықтар қоғамдық көлікке көшуге шақырылды