Қазақстанда кімге Pfizer вакцинасын салдыруға рұқсат берілетіні айтылды

Қазақстанның бас санитарлық дәрігері Ерлан Қиясов жаңа жарлыққа қол қойды.

Бұл туралы Orda.kz хабарлады.

Қаулыда Pfizer препаратымен вакциналау бойынша әдістемелік ұсынымдар бекітілді.

Құжатқа сәйкес, Pfizer екпесін төменде көрсетілген адамдар ала алады:

• 12 жастан асқан жасөспірімдер;
• жүкті әйелдер - жүктіліктің 16-дан 37-ші аптасына дейін;
• емізулі балалары бар әйелдер - босанғаннан кейін (42 күннен кейін).

Вакциналау алдында коронавирусқа қарсы антиденелердің болуына тест өткізу міндеттелмейді.

COVID-19 жұқтырғандарға вакциналау алдындағы жағдайды ескере отырып, сауыққаннан кейін 3 айдан кейін рұқсат етіледі.

Құжаттың толық мәтінін мына жерден табуға болады.