Қазақстанда күнбағыс майының бағасы 836 теңгеге жетті

Қазақстанда күнбағыс майы жыл басынан бері шамамен 30%-ға және бір жылда 56%-ға қымбаттады.

Energyprom.kz сарапшыларының мәліметінше, 2021 жылдың қаңтар-қыркүйек айларында елде 131 мың тонна тазартылмаған күнбағыс майы өндірілген. Бұл өткен жылмен салыстырғанда 1,4%-ға аз.

2020 жылы Қазақстанда алдыңғы жылмен салыстырғанда 9,7%-ға артық, яғни 351,3 мың тонна күнбағыс майы өндірілді.

2021 жылдың қазан айында еліміздің дүкендері мен базарларында күнбағыс майының бір литрін 767 теңгеге сатылып жатыр. Бұл бір жыл бұрынғыдан 56,2%-ға қымбат. Бір айда баға 0,3%-ға, жыл басынан бері 29,9%-ға өскен.

Қазақстанның ірі қалаларының ішінде күнбағыс майының бір литрі ең қымбаты – Атырауда (836 теңге), ең арзаны – Петропавлда (664 теңге).

Күнбағыс майының бағасы БҚО-да бірден 71,7%-ға, Қостанай облысында – 70,9%-ға, Ақмола облысында – 69,8%-ға өскен. Ең азы Қарағанды ​​облысы мен елордада тіркелген, 44,3%-ға баға өсімі тіркелген.

Болжам бойынша, Қазақстанда алдағы бір жарым айда күнбағыс майының литрі 100 теңгеге арзандауы мүмкін. Бұған Ресей мен Украинадағы күнбағыстың жоғары өнімділігі ықпал ете алады.