Қазақстанда көкөніс тағы қымбаттады – әкім орынбасарлары  жазаланады

Азық-түлік бағасының апта сайын көтерілуіне байланысты облыс әкімінің орынбасарлары жазаланатын болды.

Өткен аптада елімізде тағы да әлеуметтік маңызы бар азық-түлік тауарлары бағасының 0,6%-ға қымбаттауы тіркелді. Көкөністер тағы да қымбаттады: пияз – 2,9%-ға, қырыққабат – 2,8%-ға, сәбіз – 2,3%-ға, сондай-ақ құс еті – 2,5%-ға және қант – 1,5%-ға. Сонымен қатар, ең көп өсім Нұр-Сұлтанда (0,9%), Алматыда (0,8%) және Павлодарда қырыққабаттың келісі 340 теңгеден тіркелді.

— Мен «өңдеу схемасы» бойынша қаржыландыруды ұлғайту туралы бірнеше рет тапсырма бердім, алайда бүгінгі күнге дейін тиісті деңгейде жұмыстар жүргізілген жоқ. Сәуір айының соңына дейін қаржыландыруды 100 млрд теңгеге дейін арттыру қажет. Бұл көрсеткішті нысаналы деңгейге жеткізбеген өңірлер бойынша жетекшілік ететін әкім орынбасарларын жазалау туралы ұсыныстар қаралатын болады, – деді Премьер-Министр Әлихан Смайылов.

Қазақстан Республикасы Сауда және интеграция министрлігі Сауда комитетінің төрағасы Ержан Қазанбаевтың баяндамасына сәйкес, республика бойынша тауар ставкасын бақылау кезінде 32 308 үй жанындағы сауда дүкендері (қамту деңгейі 77%), нәтижесінде 358 бұзушылықтар анықталды.