Қазақстанда ипотека мөлшерлемесі 2%-ға дейін төмендетіледі

Жеңілдетілген несие мөлшерлемесі отбасының табысына байланысты жылдық 2-5% болады. Бұл туралы үкімет отырысында ҚР Индустрия және инфрақұрылымдық даму министрі Бейбіт Атамқұлов мәлімдеді.

Бұл туралы Orda.kz хабарлады.

– «Otbasy Bank» АҚ ипотекалық бағдарламалары аясында кезекте тұрғандар үшін бастапқы төлем тұрғын үй құнының 10%-ына дейін төмендетіледі. Жеңілдікпен несиелеудің мөлшерлемесі отбасының табысына байланысты жылдық 2-5% болады, - деді Атамқұлов.

Ол зейнетақы жинақтарын тұрғын үй жағдайын жақсарту үшін пайдалану ережелеріне түзетулер енгізілетінін, бұл жинақтың жеткіліктілік шегінен асатын бөлігін кейіннен тұрғын үй сатып алу үшін Otbasy банкіндегі шотқа аударуға мүмкіндік беретінін айтты.

Оның айтуынша, МЖӘ мен үлестік құрылыстың әлеуетін белсенді қолдана отырып, әзірлеушілерді қолдау үшін жобаны қаржыландыру механизмі енгізілетін болады.

Бұған дейін Қазақстан президенті Қасым-Жомарт Тоқаев зейнетақы жинақтарының бір бөлігін шекті деңгейден жоғары «Отбасы» банкіндегі есепшотқа аударуға рұқсат беруді ұсынған.