Қазақстанда халықтың табысын арттыру бағдарламасы қабылданады

Премьер-министр Әлихан Смайылов Қазақстанда халықтың кірісін қалай арттыруды жоспарлап отырғанын айтты.

«Атамекен» Ұлттық палатасымен бірлесе отырып, халықтың табысын арттыру бағдарламасын әзірлеп, қабылдау жоспарланып отыр. Халықтың табысын арттыру мәселесі біз үшін ең маңызды болуы керек. Кез келген жоспар, кез келген бағдарлама мақсатты болуы керек. Бірінші кезекте халықтың кірісін арттыру керек. Дәл осы көрсеткішпен бағалану керек» деді Смайылов үкімет отырысында.

Жаңа премьер-министр жастар арасындағы жұмыссыздықты азайту мақсатында «Жастар тәжірибесі» және «Алғашқы жұмыс» жобалары аясында өту мерзімі мен жалақыны көбейтетінін айтты.

«Қазақстан халқына» қоғамдық әлеуметтік қоры мұқтаж балаларға заманауи қымбат медициналық қызметтер мен дәрі-дәрмектерді алуға мүмкіндік береді. Жалпы, бұл жоспарды жүзеге асыру елдегі қаңтар оқиғасынан кейін әлеуметтік-экономикалық жағдайды жедел қалпына келтіруді қамтамасыз етеді» деп қосты үкімет басшысы.